ހައްދުންމަތީ އަތޮޅު ކައުންސިލްގެ އިދާރާ

މި އޮފީހަކީ ޤާނޫނު ނަންބަރު 68/3ޖ އޮފިޝަލް ކަންތައް ޗެޕްޓަރ 3ގެ މިނިސްޓްރީ އޮފް އެޓޮލްސް ޑިވެލޮޕްމަންޓްގެ އަތޮޅުވެރިން މިސުރުޚީގެ ދަށުގައި ހިނގަމުން އައިސް އެޓޮލްސް މިނިސްޓްރީ އުވާލައްވާ އަތޮޅު އޮފީސްތައް ހިންގުން މިނިސްޓްރީ އޮފް ހޯމް އެފެއާޒްގެ ދަށަށް 2008ވަނަ އަހަރު ބަދަލު ކުރައްވާ އަދި ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގެވުމަށްޓަކައި 05 ފެބުރުއަރީ 2011 ގައި ލޯކަލް ކައުންސިލްތައް އިންތިޚާބު ކުރެވި، އިންތިޚާބު ކުރެވިފައިވާ ކައުންސިލްތަކުގެ އިދާރާތައް އުފެއްދެވުމާ ގުޅިގެން 22 ފެބުރުއަރީ 2011 ން ފެށިގެން އަތޮޅު އޮފީހުގެ ނަން އަތޮޅު ކައުންސިލް އިދާރާގެ ނަމަށް ބަދަލުކުރެވި، ހިންގަމުން އަންނަ އޮފީހެކެވެ. އޮފީސް އުފެދިފައިވާ ތާރީޚެއް ކަނޑައެޅިގެން އެނގޭކަންނެތެވެ. ނަމަވެސް މި އޮފީހަކީ ކުރީގައި މި އަތޮޅު ދަނބިދޫގައި ހިނގަމުން އައިސް 1964 މެއި 13 ގައި ހިތަދޫއަށް ބަދަލުކުރެވި 1992ވަނަ އަހަރު މާރޗު މަހުގެ 6 ވަނަ ދުވަހާއި ހަމައަށް ހިތަދޫގައި ހިންގުމަށްފަހު 1992ވަނަ އަހަރު މާރިޗު 6 ގައި ފޮނަދޫއަށް ބަދަލުކުރެވި ފޮނަދޫގައި ހިންގަމުން އަންނަ އޮފީހެކެވެ. މިހާރު މިއަތޮޅުގެ ވެރިކަންކުރާ ރަށަކީ ފޮނަދުއެވެ.