ދިވެހިންގެ އެއްބައިވަންތަކަމުގެ ދުވަސް ފާހަގަކުރުމުގެ ގޮތުން އަތުގުޅާލުމުގެ ޙަރަކާތެއް ކުރިއަށް ގެންގޮސްފި
ދިވެހީންގެ އެއްބައިވަންތަކަމުގެ ދުވަސް ފާހަގަކުރުމަށް އަތުގުޅާލުމުގެ ހަރަކާތެއް މިއަދު ކުރިއަށް ގެންގޮސްފިއެވެ. މި ހަރަކާތް ކުރިއަށް ގެންގޮސްފައިވަނީ މިއަދު ހެނދުނު 09:15 ގައި ލ.އަތޮޅު ތައުލީމީ މަރުކަޒުގައެވެ. މި އަތުގުޅާލުމުގައި ލ.ފޮނަދޫގައި ހުރި ސަރުކާރުގެ މުއައްސަސާތަކާއި، އެހެނިހެން މުއައްސަސާތަކުން ބައިވެރިވެ ވަޑައިގެންފައިވެއެވެ.
![](https://laamu.gov.mv/wp-content/uploads/2017/12/IMG_5789-300x200.jpg)
އަތުގުޅާލުން ފެށިފައިވަނީ ކީރިތި ޤުރުއާނުގެ ބަރަކާތުންނެވެ. އެއަށްފަހު 9:23 ގައި 2004 ޑިސެންބަރު 26 ވަނަ ދުވަހު ހެނދުނު 9:23 ގައި ރާއްޖޭއަށް ކުރިމަތިވި ސުނާމީ ކާރިޘާގައި ނިޔާވި މީހުންނާއި، ގެއްލިގެންދިޔަ މީހުންގެ ހަނދާނުގައި 1 މިނިޓްގެ ސްކޫތެއް ގެނެވުނެވެ.
މި ސުކޫތަށްފަހު ދުވަހާގުޅޭ ޚާއްޞަ ދުޢާއެއްވަނީ ކޮށްފައެވެ. ދުޢާ އަށްފަހު އަތުގުޅާލުން ނިމިގެން ދިޔައީ ގައުމީ ސަލާމުންނެވެ.
![](https://laamu.gov.mv/wp-content/uploads/2017/12/IMG_5796-300x200.jpg)
ފޮނަދޫގެ އިތުރުން ލ.އަތޮޅުގައި މީހުން ދިރިއުޅޭ ހުރިހާ ރަށެއްގައިވެސް ވަނީ އަތުގުޅާލުމުގެ ހަރަކާތްކުރިއަށްގެންގޮސްފައެވެ.
![](https://laamu.gov.mv/wp-content/uploads/2017/12/dhanbidhoo-300x225.jpg)
![](https://laamu.gov.mv/wp-content/uploads/2017/12/Maavah-300x104.jpg)